54 cinayətin açılmasını təmin edilib – DİN

Yanvarın 14-də Azərbaycan ərazisində qeydə alınan 46, əvvəlki dövrlərdən bağlı qalan daha 8 cinayətin açılması polis əməkdaşları tərəfindən təmin olunub. Bu barədə Daxili İşlər Nazirliyinin (DİN) Mətbuat Xidməti məlumat yayıb.

Məlumata görə, axtarışda olduğuna görə ümumilikdə 148 nəfər saxlanılıb. Onlardan 129-u borclu şəxs qismində axtarışda olanlardır və aidiyyəti üzrə təhvil verilib.

DİN bildirir ki, əməliyyat tədbirləri nəticəsində narkotiklərlə əlaqəli 20 fakt, qanunsuz saxlanılan silah-sursatın aşkarlanması və götürülməsi ilə bağlı isə 27 fakt müəyyən edilib.

Bundan əlavə, cinayət törətməkdə şübhəli bilinən 45 nəfər saxlanılıb.

Daxili İşlər Nazirliyi ölkə ərazisində ictimai asayişin və təhlükəsizliyin təmin olunması məqsədilə gündəlik əməliyyat-axtarış tədbirlərinin davam etdirildiyini bildirir.

Gülnar Nazimqızı