Azərbaycanın Küveytdəki səfirliyi vətəndaşlara çağırış edib

Azərbaycanın Küveytdəki səfirliyi vətəndaşlara çağırış edib.Bu barədə səfirliyinin X-dəki hesabında paylaşım edilib.

Bildirilib ki,regionda baş verən hadisələrlə əlaqədar 28 fevral 2026-cı il tarixindən etibarən Küveytin hava məkanı bağlı olaraq qalır.Vətəndaşlarımızın Küveytin rəsmi qurumlarının açıqlamalarını, eləcə də Azərbaycanın Küveyt Dövlətindəki Səfirliyinin məlumatlarını diqqətlə izləmələri, səlahiyyətli orqanlar tərəfindən verilən təhlükəsizlik qaydalarına və tövsiyələrinə ciddi şəkildə əməl etmələri tövsiyə olunur.

Səfirlik vətəndaşlara rəsmi mənbələrdən gələn məlumatları izləməyi, təhlükəsizlik qaydalarına əməl etməyi və qeyri-rəsmi məlumatlar və şayiələrə inanmamağı məsləhət görür. Mümkün təhlükələrə görə insanlara zəruri hallar istisna olmaqla evdə qalmaq, küçədə olarkən həyəcan siqnalları və partlayış səsləri eşidildikdə dərhal qapalı və təhlükəsiz yerə sığınmaq tövsiyə olunur.

Səfirlik həmçinin təcili vəziyyətlər üçün əlaqə nömrəsi və elektron poçt ünvanı daxil olmaqla əlaqə vasitələrini açıqlayıb.

Qeyd olunub ki, vətəndaşlar hər hansı fövqəladə vəziyyətlə üzləşdiyi təqdirdə Azərbaycanın Küveytdəki səfirliyinin birbaşa qaynar xətti olan +965 6095 5596 nömrəsi ilə, eyni zamanda, səfirliyin elektron poçt ünvanı vasitəsilə əlaqǝ saxlaya bilərlər [email protected].