İran Zəngəzur dəhlizi ilə bağlı xəbərdarlıq edib

İranın Ali Liderinin beynəlxalq məsələlər üzrə müşaviri Əli Əkbər Vilayəti Tehranın Zəngəzur dəhlizinin yaradılmasına qarşı olduğunu və bu məsələ ilə bağlı müəyyən etdiyi “qırmızı xətlərin” keçilməsinə imkan verməyəcəyini açıqlayıb.

O, ABŞ Prezidenti Donald Tramp və müttəfiqlərinin bu xətləri keçməyə cəhd edəcəyi təqdirdə İranın onların planlarını pozacağını bəyan edib.

Vilayəti Ermənistan səfirinə də bu barədə birbaşa xəbərdarlıq etdiyini bildirib.

Onun sözlərinə görə, 2021-ci ilin iyununda Astanada keçirilən konfrans çərçivəsində İranın Ali Lideri səhər Türkiyə Prezidenti Rəcəb Tayyib Ərdoğanla, axşam isə Rusiya Prezidenti Vladimir Putinlə görüşündə Tehranın “Zəngəzur dəhlizi”nin yaradılmasına qarşı olduğunu açıq şəkildə ifadə edib.

Vilayəti qeyd edib ki, həmin görüşlərdən sonra İran silahlı qüvvələri genişmiqyaslı hərbi təlimlər keçirib.