Satıcının almalarını müsadirə edən məmur:Nə olub, nə hadisə baş verib?

İki gündür Sumqayıtda küçə ticarətinə qarşı keçirilən reyd zamanı məmurun satıcıya qarşı kobud davranışı və yol kənarında yerləşdirilmiş meyvələri müsadirə etməsi ictimaiyyətin diqqətini çəkib.

“Qafqazinfo”nun məlumatına görə, məsələ ilə bağlı Sumqayıt Şəhər İcra Hakimiyyətinin İstehsal və xidmət sahələri sektorunun baş məsləhətçisi Samir Bədəlovla əlaqə saxlanılıb. Lakin o, suallara cavab verməkdən imtina edib və “Nə olub, nə hadisə baş verib? Bilmirəm, nə deyirsiniz… Tədbirlərlə bağlı sualınız varsa, buyurun. Yoxdursa, sağ olun” deyə bildirib.

Reydin ictimailəşdirilməsindən sonra satıcının müsadirə olunan meyvələri geri qaytarılıb.