Deputat: Güclü məhkəmə olmadan sosial ədaləti bərpa etmək mümkün deyil

Dünyanın əksər ölkələrində ombudsman institutu daha çox siyasi və hüquqi məsələlərlə məşğul olur, sosial problemlərin həlli isə əsasən məhkəmə sisteminin səlahiyyətindədir. Bunu Milli Məclisin deputatı Qüdrət Həsənquliyev bildirib.

Deputatın sözlərinə görə, hazırda cəmiyyətdə ən çox narazılıq doğuran məsələlərdən biri vətəndaşların məhkəmələrdə ədalət tapa bilməməsidir. O vurğulayıb ki, güclü və müstəqil məhkəmə sistemi olmadan sosial ədalətin təmin olunması mümkün deyil və bu yükü heç bir ombudsman institutu təkbaşına daşıya bilməz.

Həsənquliyev əlavə edib ki, sahibkarlar illərlə öz hüquqlarını məhkəmələrdə qoruya bilmirlər və məhkəmələrin əsas vəzifəsi ədalətin bərpasını təmin etməkdir.

Gülnar Nazimqızı