Saməddin Əsədov: Süni intellektin uğurunda insan kapitalı həlledici rol oynayır

Süni intellekt sahəsində 8 standart hazırlanıb, onlardan 4-ü ötən il qəbul olunub. Bunu rəqəmsal İnkişaf və nəqliyyat nazirinin müavini Saməddin Əsədov bildirib. 

Nazir müavini vurğulayıb ki, yaxın gələcəkdə süni intellekt texnologiyaları daha da inkişaf edəcək.
Əsədov qeyd edib ki, süni intellektin uğuru təkcə alqoritmlərlə bağlı deyil.

“Süni intellektin tətbiqində uğur 70 faiz insan və rəhbərlərin tapşırıqları əsasında baş verir. Bu baxımdan insan kapitalı sahədə ən vacib amildir”, - o əlavə edib. 

O bildirib ki, ölkələr süni intellektin tətbiqində irəliləmək üçün həm texnologiyaya, həm də peşəkar kadrların hazırlanmasına diqqət yetirməlidirlər.

Gülnar Nazimqızı