İlham Əliyev Azərbaycan xalqını Novruz bayramı münasibətilə təbrik edib

 Azərbaycan Prezidenti İlham Əliyev Novruz bayramı münasibətilə Azərbaycan xalqını təbrik edib.

Dövlət başçısı müraciətində Novruzun Azərbaycan xalqının qədim ənənələrini, milli-mənəvi dəyərlərini və dünyagörüşünü özündə əks etdirən mühüm bayram olduğunu vurğulayıb.

Əliyev qeyd edib ki, əsrlər boyu qorunaraq bu günə gəlib çatan Novruz ənənələri xalqın tarixi yaddaşının və mədəni irsinin ayrılmaz hissəsidir. Onun sözlərinə görə, bayram mərasimləri xalqın təbiətə bağlılığını, nikbinliyini və gələcəyə ümidini ifadə edir.

Prezident bildirib ki, yaz fəslinin yeniləşdirici ruhu ölkənin gələcəyinin qurulmasına əlavə stimul verir və azad edilmiş ərazilərin inkişafı istiqamətində səyləri gücləndirir.

Dövlət başçısı təbrikində Azərbaycan xalqına cansağlığı, firavanlıq və ruzi-bərəkət arzulayıb.