ABŞ-dən bütün səfirliklərə xəbərdarlıq

Dövlət Departamenti bütün ABŞ səfirliklərinə potensial təhdidlərə hazırlaşmaq və ABŞ-İsrail hərbi əməliyyatı ilə əlaqədar əlavə təhlükəsizlik tədbirlərini nəzərdən keçirmək əmri verib.
Bu barədə “The Washington Post” (WP) qəzeti ABŞ Dövlət Departamentinin daxili yazışmalarına istinadla məlumat yayıb.

Nəşr yazır ki, Dövlət Departamenti Yaxın Şərqdəki mövcud və dəyişən vəziyyət və onun potensial təsirlərini əsas gətirərək, ABŞ-nin dünya üzrə bütün diplomatik nümayəndəliklərinə təcili təhlükəsizlik qiymətləndirməsi aparmağı əmr edib.

Bildirilib ki, ABŞ dövlət katibi Marko Rubio amerikalı diplomatlara potensial təhdidləri müəyyən etmək və cavab planları hazırlamaq üçün işçi qrupları yaratmağı tapşırıb.
Qəzetin məlumatına görə, son həftələrdə bu cür təlimatlar yalnız Yaxın Şərqdəki Amerika səfirliklərinin işçilərinə verilirdi. İndi isə onlar ABŞ-nin bütün diplomatik nümayəndəliklərinə göndərilib.
Qeyd olunur ki, bu, dünyanın hər yerindəki bütün ABŞ diplomatik nümayəndəliklərinə İrandakı müharibə ilə əlaqədar təhlükəsizlik tədbirlərini yenidən nəzərdən keçirmək əmri verildiyi ilk haldır