Dünyada ən hündür "şeytan çarxı" Çində tikiləcək

Çinin Şanxay şəhərinin şimal-şərqində dünyanın ən böyük Ferris çarxının tikintisinə başlanılacaq.
“Zhefang Zhibao” qəzetinin məlumatına görə, “Şanxay Tağı” adlandırılacaq attraksionun hündürlüyü 228 metr olacaq. Tikinti işlərinə 2026-cı ilin sonlarında başlanması planlaşdırılır.

Layihə Şanxayın Baoshan rayonunda, Yantszı çayı deltası və Usunkou Beynəlxalq Kruiz Terminalı yaxınlığında həyata keçiriləcək. Ferris çarxı ərazidə yaradılacaq turizm məkanlarının bir hissəsi olacaq.

Layihənin dəyəri 2 milyard yuan, yaxud təxminən 293 milyon dollar qiymətləndirilir.

Hazırda dünyanın ən böyük Ferris çarxı Çinin Şandun əyalətində yerləşən “Bohai Eye” hesab olunur. Onun hündürlüyü 142,52 metrdir. Bu attraksionda kabinələr hərəkətsiz halqa formalı konstruksiyanın xarici kənarı boyunca hərəkət edir.

Gülnar