"Eurovision-2015" çərçivəsində Vyanada Azərbaycan gecəsi - Fotolar

Lent.az-ın məlumatına görə, tədbir iştirakçıları əvvəlcə mayın 19-da Bakıda 16 mərtəbəli binada baş vermiş yanğında həlak olanların xatirəsini 1 dəqiqəlik sükutla yad ediblər. Vyanada fəaliyyət göstərən Azərbaycan Mədəniyyət Mərkəzinin direktoru Leyla Qasmova çıxış edərək edərək bildirib ki, "Eurovision 2015” mahnı müsabiqəsi çərçivəsində keçirilən bu gecənin təşkilindən qürur duyur. Mərkəz rəhbəri mədəniyyətimizin təbliği və iki ölkə arasındakı əlaqələrin inkişafında mərkəzin oynadığı roldan da danışıb. Qeyd olunub ki, mərkəz milli mədəni dəyərlərimizi layiqincə tanıdan özünəməxsus məkandır. Azərbaycanın "Eurovision 2015” mahnı müsabiqəsindəki təmsilçisi Elnur Hüseynov dəstəyə görə təşəkkürünü bildirib. Sənətçi Azərbaycanın milli musiqi aləti olan tarı tədbirin təşkilatçılarına hədiyyə edib. Vyana şəhəri mədəniyyət idarəsinin, şəhər mədəniyyəti interkulturalizm və beynəlxalq əlaqələr şöbəsinin rəhbəri Heydər Sari Azərbaycan musiqisi, incəsənətinin vurğunudur. Odur ki, qonaq ölkə təmsilçimizin hədiyyə etdiyi qədim milli musiqi aləti olan tarın ona dərin hisslər bağışlayaraq, uşaqlıq xatirələrini canlandırdığını söyləyib.

Qeyd edək ki, bu gün "Eurovision 2015” mahnı müsabiqəsinin II yarımfinalı keçiriləcək.