Sabah Bakıda yağmursuz hava proqnozlaşdırılır

İyunun 13-də Bakı və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosundan APA-ya verilən məlumata görə, arabir güclənən şimal-qərb küləyi əsəcək. Günün ikinci yarısında mülayimləşəcək.

Havanın temperaturu gecə 19-21, gündüz 28-30 dərəcə isti olacaq.

Abşeron çimərliklərində dəniz suyunun temperaturu 21-24 dərəcə isti olacaq.

Sabah bölgələrdə bəzi yerlərdə şimşək çaxacaq, yağış yağacağı gözlənilir. Ayrı-ayrı yerlərdə lokal leysan xarakterli olacağı, dolu düşəcəyi ehtimalı var. Gündüz əksər rayonlarda hava şəraiti əsasən yağmursuz keçəcək, arabir güclənən şərq küləyi əsəcək.

Havanın temperaturu gecə 18-23, gündüz 30-35, dağlıq və dağətəyi rayonlarda gecə 11-16, gündüz 21-26 dərəcə isti olacağı gözlənilir.
www.ann.az