Rezidentura imtahanının II mərhələsinin nəticələri məlum oldu

İmtahanda iştirak edən 949 namizəddən 589 nəfəri müsabiqə şərtini ödəyərək ixtisaslaşma seçiminə buraxılıb

Rezidenturaya keçirilən qəbul imtahanının II mərhələsinin nəticələri açıqlanıb. Tələbə Qəbulu üzrə Dövlət Komissiyasından (TQDK)  verilən xəbərə görə, iyulun 7-də 2015/2016-cı tədris ili üçün Azərbaycanda baza ali tibb təhsili əsasında həkim-mütəxəssislərin hazırlanması məqsədilə Bakı və Naxçıvan şəhərlərində rezidentura səviyyəsinə qəbul imtahanının II mərhələsini keçirib.

Hər bir namizəd TQDK-nın internet saytına daxil olaraq imtahan nəticələri və cavab kartının qrafik təsviri ilə tanış ola bilər.

Namizədlər imtahan nəticələri barədə məlumatı həmçinin mobil telefonla 7727 nömrəsinə iş nömrələrini göndərməklə də öyrənə bilərlər.

Nəticələrə əsasən, imtahanda iştirakı nəzərdə tutulan 1001 namizəddən 52 nəfəri imtahana gəlməyib. İmtahanda iştirak edən 949 namizəddən 589 nəfəri müsabiqə şərtini (50 və daha yüksək bal) ödəyərək ixtisaslaşma seçiminə buraxılıb.

Ən yüksək nəticə 88 bal olub.

Rezidenturaya ixtisaslaşma seçimi iyulun 10-dan 14-dək aparılacaq. Müsabiqə şərtini ödəyən namizədlər müəyyən olunmuş müddət ərzində elektron ərizələrinə daxil olaraq ali tibb təhsili bazasına uyğun (bitirdiyi fakültəyə müvafiq olan) ixtisasları seçib təsdiq etməlidirlər.