Ceyhun Bayramov kolumbiyalı həmkarı ilə görüşüb
12.11.2024 21:30
Azərbaycan Respublikasının xarici işlər naziri Ceyhun Bayramov BMT-nin İqlim Dəyişmələri üzrə Çərçivə Konvensiyasının 29-cu sessiyasının (COP29) Dünya Liderlərinin İqlim Fəaliyyəti Sammiti çərçivəsində Kolumbiya Respublikasının xarici işlər naziri Luis Gilberto Muriyo ilə görüşüb.Bu barədə Azərbaycanın Xarici İşlər Nazirliyi məlumat yayıb.
Görüşdə, Azərbaycan və Kolumbiya arasında əməkdaşlıq perspektivləri, ölkəmizin COP29 sədrliyi, mövcud təşəbbüs və prioritetlər müzakirə olunub.
İki ölkə arasında əlaqələrin daha da genişləndirilməsi üçün mövcud imkanların dəyərləndirilməsi və müzakirəsi istiqamətində siyasi məsləhətləşmələr mexanizmindən istifadənin vacibliyi vurğulanıb.
Azərbaycanın COP29 sədrliyi barədə ətraflı məlumat verən nazir Ceyhun Bayramov, sədrlik prosesinin bir çox ölkələr, o cümlədən Kolumbiya ilə iqlim dəyişikliyi ilə mübarizə sahəsində əməkdaşlıq imkanlarını genişləndirdiyini qeyd edib.
www.anews.az
Oxşar xəbərlər
Oxşar xəbərlər
Foto 
Video 
