“Dərinsulu Günəşli” platformasndan hasilatın həcmi açıqlanıb
22.04.2024 14:13
"Azəri-Çıraq-Günəşli” (AÇG) yataqlar blokunun "Dərinsulu Günəşli” platformasnda hasilat bu platforma istismara veriləndən indiyə kimi təqribən 640 milyon barel təşkil edib. Bu barədə BP məlumat verib.
"Platforma 2008-ci il aprelin 22-də istismara verilib. İstifadəyə verildiyi vaxtdan bütün dövr ərzində "Dərinsulu Günəşli” platformasından 638 milyon barel neft və 18,2 milyard kubmetr səmt qazı hasil edilib”, - neft şirkətinin yayımladığı xəbərdə bildirilib.
2023-cü ilin sonuna bu platformadan orta gündəlik neft hasilatı 67,3 min barel olub.
Hazırda AÇG blokunda hasilat 7 platformadan həyata keçirilir. 2023-cü ildə "Azəri-Çıraq-Günəşli” yataqlar blokundan ümumilikdə 133 milyon barel (18 milyon ton) hasil edilib. 2023-cü ildə blokda orta gündəlik neft hasilatı 363.000 barel olub.
AÇG Azərbaycanın ən böyük neft yataqları blokudur. Yataqlar blokunun işlənməsi üzrə ilk hasilatın pay bölgüsü sazişi 1994-cü il sentyabrın 20-də imzalanıb. 2017-ci il sentyabrın 14-də yataqların 2049-cu ilin sonuna qədər işlənməsini nəzərdə tutan yenilənmiş saziş imzalanıb.
AÇG səhmdarları BP (30,37%), SOCAR (25,0%), MOL Group (16 aprel 2020-ci il tarixindən Chevron əvəzinə 9,57%), INPEX (9,31%), Equinor (7,27%) ), ExxonMobil (6,79%), TPAO (5,73%), ITOCHU (3,65%), ONGC Videsh Limited (OVL) (2,31%) şirkətləridir.
N.Təbrizli
www.anews.az
Oxşar xəbərlər
Oxşar xəbərlər
İqtisadiyyat
15:21
Müşfiq Cəfərov: Startaplarla bağlı qanun layihəsində qonşu ölkələrin təcrübəsi öyrənilməlidir
İqtisadiyyat
14:56
Deputat Bakı Fond Birjası və brokerlərin kraudfandinq ekosisteminə cəlb edilməsini təklif edib
İqtisadiyyat
11:28
IsDB Qrupunun strukturları Azərbaycan tərəfdaşları ilə $290 milyon çox dəyərində sazişlər imzalayıb
Foto 
Video 
