"Report" xəbər verir ki, FRS rəhbəri Janet Yellen ABŞ-da uçot dərəcələrinin yüksəlməsi üçün işsizlik rəqəmlərinin müsbət olmasının kifayət etməyəcəyini söyləyib. Dərəcələrin artırılmasının inflyasiyanın və əmək haqqlarının artması faktorlarına bağlı olduğu bildirildi.

Qeyd edək ki, martın 24-də ABŞ-da fevral ayı üçün istehlak qiymətləri və real əmək haqqlarında dəyişiklik göstəriciləri açıqlanacaq. Yanvar ayında 0,7% azalan istehlak qiymətlərinin fevralda 0,2% artması proqnozlaşdırılır. Göstərici proqnozlara uyğun və ya daha yüksək olarsa dollar uçot dərəcələrinin daha erkən tarixdə artırılacağı gözləntisi ilə kəskin güclənə bilər. Proqnozlar özünü doğrultmazsa dolların kəskin düşüşə keçəcəyi gözlənilir.