"Santos” klubu və Braziliya yığmasının keçmiş hücumçusu -  Koutinyo adı ilə tanınan Antonio Vilson Viyer Onorio 75 yaşında vəfat edib.

Bu barədə klubun rəsmi saytında məlumat yayılıb.

Ölümün səbəbi barədə açıqlama verilmir.

"Santos” klubunun Koutinyonun ölümü ilə bağlı üç günlük matəm elan edib.

Qeyd edək ki, Koutinyo "Santos” klubunun tarixində ən məhsuldar üçüncü futbolçudur. Onun aktivində 457 matça 368 qol var. Bir neçə mövsüm Pele ilə çiyin-çiyinə oynayıb və birlikdə Libertadores kuboku və Braziliya çempionluğunu qazanıblar. Koutinyo yığmada 15 matç keçirib, 1962-ci ildə dünya çempionu olub.