"Əhalinin günahı yoxdur, onları aldadıblar" - Elman Rüstəmov

13:28 | 30.07.2020
"Görülən işlər çərçivəsində biz hökumətə, hökümət tərəfindən də Konstitusiya Məhkəməsinə müraciət olundu və əhalinin mənafeyini qoruyan ətraflı rəylə cavab verdik. Əhalinin bu məsələdə günahı yoxdur. Bank menecerləri əhalini aldadıb və günakar da onlardılar. Əhalinin hüquqları və əmanətləri bərpa olunmalıdır".

Anews.az xəbər verir ki, bu sözləri Mərkəzi Bankın sədri Elman Rüstəmov bu gün keçirdilən mətbuat konfransında bağlanmış banklarda əmanətçilərlə bağlı yaranmış problemə münasibət bildirərkən deyib.

 E.Rüstəmov qeyd edib ki, qurumun bu gün də əmanətçilərlə görüşü olub: "Onlara izahlar edildi. Bilirsiniz ki, "Atabank"da nəzarət dövrü Mərkəzi Bankda deyildi. NBC bankda bankın kapitalı diqqətimizi cəlb etdi. Yoxlama zamanı gördük ki, bank zəifdir, hesabatları həqiqətlərə uyğun deyil və təsis tədbirlərinə baxmayaraq əmanətləri qəbul etməkdə davam edib. Lakin bunu tam şəkildə hesabatdan gizlədib. Biz başa düşdük ki, bank bağlanmağa doğru gedir və buna görə də əmanətlərin qəbulunu qadağan etdik. Lakin növbəti yoxlamada məlum oldu ki, prosses yenidən davam edir. Bankın lisenziyası geri çağırılanda requlyatorun tələblərinə cavab verməyib və imtina edib.  Maliyyə xidmətləri göstərdiyi insanları aldadıb. "Azəriqazbank”da vəziyyət daha mürəkkəb olub.
 
Burada qorunan əmanətlərin səviyyəsi limitdən aşağı olub. Lakin elə şərtlər qoyublar ki, bunlar faktiki olaraq qorunan əmanət statusu alıb.

Konstitusiya Məhkəməsiylə daim əlaqədəyik. Son məlumata görə, 1 həftə -10 gün ərzində qərar veriləcək. Biz çox nikbin və müsbət qərara ümid edirik. Əhaliyə təmkinli olmağı tövsiyə edirik. Lakin artıq prosesin sonundayıq. Məhkəmə artıq olub. Təxminən 1300 insan və 62 milyon manata qədər əmanət var. İnanıram ki, öz əmanətlərinə çıxış imkanlarını təmin edəcəyik".
www.anews.az

Tərəfdaşların xəbərləri

REKLAM

Xəbər lenti