Azərbaycanda bu il yeni elektron lotereyalar satışa çıxarılacaq

 "Report” İqtisadiyyat Nazirliyinə istinadən məlumat verir ki, "Azərlotereya” ənənəvi lotereya oyunları ilə yanaşı yeni, "Uğurlu Rəqəm 7”, "5/36” və "6/40” ani lotereyalarının satışa buraxmağı planlaşdırır.

Eyni zamanda, bu il yeni elektron lotereyaların da satışa buraxılması nəzərdə tutulur. Hazırda bu istiqamətdə müvafiq tədbirlər görülür.

Qeyd edək ki, 2015-ci ildə "Azərlotereya" tərəfindən keçirilən lotereya oyunları üzrə ümumilikdə 26,9 mln.-dan artıq bilet satılıb və bundan 27,7 mln. manat vəsait əldə olunub. Bu vəsaitin təxminən 18 mln. manatı (65%) uduş fonduna sərf olunub.