Sosial müdafiə xərcləri 20 faiz artırılıb

AzVision.az–ın məlumatına görə, bunu Milli Məclisin Beynəlxalq münasibətlər və parlamentlərarası əlaqələr, Əmək və sosial siyasət, Elm və təhsil, Səhiyyə, Ailə, qadın və uşaq məsələləri komitələrinin birgə iclasında 2018-ci il üzrə Azərbaycanın dövlət büdcəsinin layihəsinin müzakirəsi zamanı Əmək və sosial siyasət komitəsinin sədri Hadi Rəcəbli deyib.

H.Rəcəbli qeyd edib ki, 2018-ci ilin dövlət büdcəsində xərclərin 33.5 faizi sosial məqsədlər üçün istifadə olunacaq: "İcmal büdcənin böyük hissəsi sosial müdafiə məsələlərinə yönəldilib. Gələn ilin dövlət büdcəsində xərclərin 33,5 %-i sosial müdafiə tədbirlərinə yönəldilib. Bu göstərici əvvəlki illərdə 26-28% civarında olub”.