Amrahbank fəaliyyətinin 26 ilini öz yeni binasında qeyd etdi

30.12.2019 14:01

28 dekabr 1993-cü ildə fəaliyyətə başlayan, artıq 26 illik tarix və zəngin təcrübə ilə bir çox mühüm nailiyyətlər əldə edən Amrahbank hazırda Azərbaycanın ilk bankları sırasında olmaqla ölkənin aparıcı banklarından biridir.

28.02.2019- cu il tarixində Amrahbank fəaliyyətinin 26 ilini Xətai rayonu, Xocalı prospekti 36A ünvanında yerləşən öz yeni binasında qeyd etdi. Tədbirdə çıxış edən Bankın Müşahidə Şurasının sədri cənab Yunis İldırımzadə "Amrahbank”ın yaranma tarixindən, keçdiyi inkişaf mərhələlərindən, son illərdə Azərbaycanın bank sektorundakı ümumi vəziyyətdən danışaraq "Amrahbank”ın 26 yaşının tamam olması münasibətilə Bankın bütün kollektivini ürəkdən təbrik etdi, onlara Bankın fəaliyyətində sərf etdikləri əməklərinə görə öz minnətdarlığını bildirdi, gələcək işlərində uğurlar arzuladı.

Qeyd edək ki, ölkənin müstəqilliyi ərəfəsində və müstəqil dövlətimizin ilk illərində bir çox çətinlikləri geridə qoyaraq, sonrakı illərdə ölkədə yaranan sabitlik və iqtisadi inkişaf şəraitində fəaliyyətini genişləndirən Amrahbank, on minlərlə müştəriyə ən geniş çeşiddə xidmətlər göstərən universal bir banka çevrilmişdir.

Bankımız müştərilərə geniş çeşiddə bank xidmətlərini təklif edir. Təklif olunan xidmətlərin sırasına hüquqi və fiziki şəxslər üçün cari hesabların açılması, kreditlərin verilməsi, sənədli əməliyyatların aparılması, əmanət hesablarıının açılması, plastik kartlar üzrə əməliyyatlar, beynəlxalq və yerli pul köçürmələri, hesbalaşma-kassa əməliyyatları, inkassasiya xidmətləri və s. daxildir.

Bankın səhmlərinin 45.84% pay ilə Bəhreyndə yerləşən "Beynəlxalq İnvestisiya Bankı”na (BİB) aid olması da "Amrahbank”ın fəaliyyətinin müxtəlif istiqamətlərində böyük rolu olmuş, eyni zamanda Bankın bir çox aparıcı maliyyə təşkilatları ilə sıx münasibətlər qurulmasında geniş imkanlar açmışdır.

Amrahbank ölkədə ən geniş filial şəbəkəsinə malik olan banklar sırasındadır. Bankın hazırda baş ofisi də daxil olmaqla 23 filialı fəaliyyət göstərir, bunlardan 17-i Bakı şəhərində, 5-ı isə ölkənin regionlarında yerləşir. Bankın inkişaf tarixinə aid mühüm hadisələrdən biri də 2019-cu ilin iyun ayından etibarən Bankın yeni inzabati binasının istifadəyə verilməsi oldu. Qeyd edək ki, Bankın yeni binası Xətai rayonu, Xocalı prospekti 36A ünvanında yerləşir.

"Amrahbank”ın 11 mərtəbəli yeni binası 10 min kvadrat metrdən çox sahəni əhatə edir.

Amrahbank bir sıra ixtisaslaşmış təşkilatların, o cümlədən Azərbaycan Banklar Assosiasiyasının, Bakı Fond Birjasının, VİSA, MasterCard Beynəlxalq Ödəniş sistemlərinin, Azərbaycan Respublikası Əmanətlərin Sığortalanması Fondunun , Azərbaycan İpoteka və Kredit Zəmanət Fondunun, Azericard Prosessinq Mərkəzinin və s. üzvüdür.

Qeyd edək ki, "Amrahbank”ın yaranma günü münasibətilə mövcüd olan bayram əhval ruhiyyəsi iş saatından sonra keçirilən korporativ tədbirlə davam etdirildi. Unudulmaz anlar yaşayan Amrahbank kollektivi fəaliyyətlərinə görə Bankın rəhbərliyi tərəfindən müxtəlif növ nominasiyalar üzrə sertfikatlarla da təltif edildilər.

Amrahbank fəaliyyətinin 26 illiyi münasibəti, eləcə də qarşıdan gələn Dünya Azərbaycanlılarının Həmrəylık Günü və 2020-ci il Yeni Təqvim İli münasibətilə bütün müştərilərini, tərəfdaşlarını, səhmdarlarını və əməkdaşlarını təbrik edir, bankla əməkdaşlıq etdikləri üçün onların hər birinə təşəkkür edir, gələcək işlərində yeni-yeni uğurlar arzulayır.
Amrahbank: Sizə açıq və aydın bank!

www.anews.az

Xəbəri bəyəndiniz?

Sosial şəbəkələrdə paylaş