Azərbaycanda effektiv pensiya yaşı 62 ildir - Sahil Babayev/ VİDEO
25.11.2022 16:56
Azərbaycanda pensiya yaşı 65 yaş nəzərdə tutulsa da effektiv pensiya yaşı 61-62 yaşdır. Bunu Əmək və Əhalinin Sosial müdafiəsi naziri Sahil Babayev bildirib.
"Bu sığorta sistemidir. Pensiya dövrü 12 il hesablanır Pensiyaçıların 68%-nin pensiya dövrü 12 ildən çox pensiya aanlardır. Çünki pensiya yaşı Azərbaycanda 65 yaş olsa da bizdə xüsusi kateqoriyadan olan vətəndaşlar üçün yaş endirimləri var. Onları nəzərə alsaq Azərbaycanda effektiv pensiya yaşı 61-62 il təşkil edir", - Sahil Babayev Milli Məclisin plenar icasında 2023-cü il üçün Dövlət Büdcəsi qanun layihəsinin ikinci oxunuşda müzakirəsi zamanı söyləyib.
Onun sözlərinə görə, son 3 ildə pensiya və müavinatların artımı ilə bağlı 3 sosial islahat paketi həyata keçirilib. Sonuncu 2022-ci ilin yanvarında həyata keçirilən sosial islahat paketi çərçivəsində 4 milyon vətəndaşa 6 milyard manat vəsait verilib. Pensiyalar 2,2 dəfə, müavinat və təqaüdlər 3,5 dəfə artıb.
65-yaşdan yuxarı olan əhalinin 60%-i pensiya, 40%-i isə sosial müavinat alır.
"Biz sosial sığorta fonduna bir manat da olsa vergi verməyənləri vergi verənlərdən ayırmalıyıq. Onların hər ikisinə pensiya eyni təqaüdü vermək ədalətsizlikdir. Odur ki, biz sığorta fonduna pul köçürməyənlərə müavinatlar ödəyirik. Bu müavinatlar 3 paket çərçivəsind 3 dəfə qaldırılıb", - Babayev deyib.
O həmçinin bildirib ki, nazirlik şəffaflığın təminatına da xüsusi diqqət yetiri. Belə ki, nazirlik hər rüb üzrə hesabatları saytına yerləşdirir.
Nazirin sözlərinə görə, cari ildə nazirlik 200 milyona qədər sosial müavinat ödəyəcək.
"Bu müavinatların verilməsi prosesi tam elektronlaşdırılıb. Bu proses zamanı vətəndaş-məmur ünsiyyətinin olmaması təmin edilib", - Babayev bildirib.
Gülnar Nazimqızı
www.anews.az
Son xəbərlər 
Daha çox
Foto 
Video 
