Əfqanıstanda silahlı şəxslər parkda insanlara atəş açıb, ölənlər var

Əfqanıstanın Herat vilayətinin İnjil rayonunda naməlum silahlılar parkda olan şəxsləri hədəfə alıblar.Bu barədə ölkənin Daxili İşlər Nazirliyinin sözçüsü Əbdül Matin Kani açıqlama verib.

Hadisə şahidlərinin sözlərinə görə, hücum edənlər əvvəlcə kişiləri onların ailə üzvlərinin gözü qarşısında güllələyiblər. Qaçmağa cəhd edən qadınlar da atəşə tutulub, ölənlər arasında uşaqların da olduğu qeyd edilir.

Hadisə nəticəsində 7 nəfər həyatını itirib, 13 nəfər yaralanıb və yaralılardan bəzilərinin vəziyyəti ağırdır.