AMB 2027-ci ildə fiskal siyasətin inflyasiyaya əhəmiyyətli təsirini gözləmir

Azərbaycan Mərkəzi Bankı 2027-ci ildə fiskal siyasətin inflyasiyaya əhəmiyyətli təsir göstərəcəyini gözləmir. Bunu AMB-nin sədri Taleh Kazımov bildirib.

Onun sözlərinə görə, gələn il büdcə kəsirinin əsasən daxili və xarici borclanma hesabına maliyyələşdirilməsi nəzərdə tutulur.

Kazımov 2027-ci il və ortamüddətli dövr üçün təqdim edilən makrofiskal çərçivəni müsbət qiymətləndirib. O bildirib ki, dövlət xərclərinin konservativ artımı və optimallaşdırılması, neft transfertlərinin mərhələli azaldılması və büdcə gəlirlərində qeyri-neft mənbələrinin payının artırılması fiskal dayanıqlığı gücləndirəcək.

AMB sədri dünya bazarında neftin müvəqqəti bahalaşmasına baxmayaraq, 2027-ci ilin büdcəsində neft qiymətinə konservativ yanaşmanı da dəstəkləyib. Onun sözlərinə görə, hasilatın azalması və enerji bazarlarında uzunmüddətli qeyri-müəyyənliklər neft gəlirlərindən asılılığın azaldılmasını vacib edir.