Uşağın doğulmasına görə birdəfəlik müavinət 2,5 dəfə artırıla bilər

2027-ci ildə uşağın anadan olmasına görə birdəfəlik müavinətin 600 manatdan 1 500 manata çatdırılması nəzərdə tutulur. Bu, 900 manat və ya 150% artım deməkdir. Bu, Milli Məclisin İqtisadi siyasət, sənaye və sahibkarlıq komitəsinin iclasında müzakirəyə çıxarılan “Azərbaycan Respublikasının 2027-ci il dövlət büdcəsi haqqında” qanun layihəsində əksini tapıb.

2026-cı ildə uşağın anadan olmasına görə birdəfəlik müavinətin məbləği 600 manat təşkil edib. 2027-ci il üçün təklif olunan 1 500 manatlıq məbləğ təsdiqlənərsə, müavinət əvvəlki illə müqayisədə 2,5 dəfə artacaq.