AMB qiymətli kağızlar bazarı üzrə qanunvericiliyə dəyişikliklər hazırlayıb

Azərbaycan Mərkəzi Bankı qiymətli kağızlar bazarının hüquqi çərçivəsinin təkmilləşdirilməsi üçün qanunvericiliyə dəyişikliklər layihəsi hazırlayıb. Bunu AMB-nin sədri Taleh Kazımov bildirib.

Layihə hazırda aidiyyəti dövlət qurumları ilə razılaşdırılır. Kazımov dəyişikliklərin məzmununu və qəbul müddətini açıqlamayıb.

Onun sözlərinə görə, 2026-cı ilin ilk doqquz ayında qiymətli kağızlar bazarında ticarət dövriyyəsi 35 milyard manat təşkil edib. Səhm bazarında əməliyyatların həcmi doqquz dəfə artaraq 2,6 milyard manata çatıb.

Korporativ qiymətli kağızlar bazarında ticarət dövriyyəsi 77%, bağlanmış əqdlərin sayı isə 2,5 dəfə artıb.