Bu il “Brent” markalı neft 110 ABŞ dollarına kimi bahalaşa bilər
04.01.2023 23:30
Bu ilin ikinci yarısında "Brent” markalı neftin bir bareli hazırki qiymətlərlə müqayisədə 30 %-dən çox bahalaşaraq 110 ABŞ dollarına çata bilər.
Bunu İsveçrənin İnvestisiya Bankı "UBS” proqnozlaşdırır.
Bankın analitikləri hesab edirlər ki, ötən ildən fərqli olaraq (ən çox kömür bahalaşdı) bu il ən çox dəyəri artan enerji daşıyıcısı məhz neft olacaq. Çində neftə tələbatın bu ilin ikinci yarısında pandemiyadan əvvəlki səviyyəni keçərək rekord həddə çatacağı gözlənilir.
Bu il Avropa İttifaqının neft və neft məhsullarına embarqosu ilə əlaqədar olaraq Rusiyada bu xammalın hasilatı aşağı düşəcək. Bununla yanaşı "OPEC+” daxil olmayan ölkələrdə hasilatın təxminən sutkalıq 1,3 milyon barel artacağı gözlənilir ki, bu da artan tələbi qarşılamağa imkan verməyəcək. Nəticədə "OPEC+” balansı saxlamaq üçün bazara daha çox neft buraxacaq.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
