Azərbaycandan ABŞ-yə yumurta ixracına başlanılır

Azərbaycandan ABŞ-yə yumurta ixracına başlanılır. Bu barədə Azərbaycan Qİda Təhlükəsizliyi Agentliyi (AQTA) məlumat yayıb.

ABŞ-yə Azərbaycandan yumurta ixracı ilk dəfə olaraq həyata keçirilir və artıq bu istiqamətdə müvafiq prosedurların icrası həyata keçirilir.

 2023-cü ilin noyabrında AQTA ilə “Rosselxoznadzor” arasında Azərbaycandan Rusiyaya quşçuluq məhsullarının, əsasən də ərzaqlıq yumurtanın ixrac olunması ilə əlaqədar razılıq əldə olunub və həmin ildən etibarən ərzaqlıq yumurtanın ixracına başlanıb.

Daha əvvəl ABŞ quş qripinin yayılması ilə əlaqədar kəskin yumurta çatışmazlığı ilə üzləşdiyini açıqlamışdı.

ABŞ kənd təsərrüfatı nazirliyinin məlumatına görə, noyabr və dekabrda təsərrüfat 17.2 milyon yumurtlayan toyuqdan məhrum olub. Bu 2024-cü ildə virusdan zərər çəkmiş bütün quşların az qala yarısına bərabərdir.

CNN-nin məlumatına görə, ölkədə yumurta qıtlığı bir neçə ay davam edə bilər. Noyabrda bəri yaranmış defisit fonunda yumurtanın qiyməti orta hesabla 25 faiz qalxıb (12 ədədi 4.33 dollara).

Aytac