.az domenində Azərbaycan saytlarının sayı nə qədər olub?

.az milli domen zonasında 20 683 ədəd internet-resurs qeydə alınıb. Trend-in məlumatına görə, bu barədə bazar ertəsi WHOIS saytı məlumat yayıb.

2013-cü ilin yanvar ayının əvvəlinin göstəriciləri ilə müqayisədə .az milli domen zonasında qeydə alınan internet-resurslarının artımı 26,8 faiz təşkil edib.

Qeydə alınan saytların ümumi sayından 19 348 ədədi domendə birinci səviyyəli qeydə alınan resursların payına düşür. İkinci səviyyəli daha populyar domen .com.az-dır. Orada 788 sayt qeydə alınıb.

Populyarlığına görə üçüncü yeri .edu.az tutur. Orada 183 internet saytı qeydə alınıb.

Statistikaya əsasən, dünyada aktiv domen adlarının ümumi sayı (yanvarın 6-na olan vəziyyətə görə) 148,3 milyon ədədi ötür.

Daha sıx zona .com hesab edilir. Orada 112,2 milyondan artıq internet-resurs aktivdir. İkinci yerdə .net-dir. Onun domenində 15,2 milyondan çox aktiv ad var. Üçüncü yerdə .org-dur. Orada təqribən 10,4 milyon sayt var.

Qeyd edək ki, .az milli zonası rəsmi olaraq 1993-cü il avqustun 25-dən fəaliyyətə başlayıb. .az domenində qeydiyyatın dəyəri 20 manatdır. Domenin illik texniki dəstəyi də bir o qədər məbləğə başa gəlir.

ANN.Az