• $ 1.7
  • € 1.9777
  • ₽ 0.021556
  • ₺ 0.0405
  • £ 2.2526

“HALAL” qida məhsullarının dövriyyəsinə nəzarət gücləndirilib - AQTA

“HALAL” qida məhsullarının dövriyyəsinə nəzarət gücləndirilib - AQTA
07.10.2025 10:55

Azərbaycan hökuməti qida təhlükəsizliyi sahəsində həyata keçirdiyi islahatlar çərçivəsində istehlakçı hüquqlarının qorunması və “HALAL” standartlarına uyğunluğun təmin olunması istiqamətində nəzarət tədbirlərini intensivləşdirib. Bunu Qida Təhlükəsizliyi Agentliyinin sədri Qoşqar Təhməzli Aərbaycanda keçirilən Halal Biznes Forumundan çıxışı zamanı deyib. 

O bildirib ki, ölkədə qida məhsullarının keyfiyyətinin artırılması, istehlakçının etibarlı məhsullarla təmin olunması və ixrac potensialının genişləndirilməsi əsas prioritetlərdəndir.

“Müasir standartların tətbiqi və halal tələblərə uyğunluq, həm ictimai sağlamlıq baxımından, həm də ixrac imkanlarının genişləndirilməsi baxımından strateji əhəmiyyət daşıyır.Hazırda ölkə üzrə “HALAL” sertifikatlı məhsullara nəzarət gücləndirilib. Qida Təhlükəsizliyi Agentliyi bu məhsullara dair mütəmadi monitorinqlər aparır və sertifikatlaşdırma prosesinin şəffaflığını təmin etmək üçün müvafiq mexanizmləri tətbiq edir.Bu istiqamətdə əsas funksiyalardan biri AQTA-nın tabeliyində fəaliyyət göstərən Azərbaycan Qida Təhlükəsizliyi İnstitutuna həvalə olunub. İnstitut, Türkiyə Respublikasının Halal Akkreditasiya Qurumu tərəfindən akkreditasiya olunmuş yeganə qurumlardan biridir. Sertifikatlaşdırma prosesi isə İslam Ölkələrinin Standartlar və Metrologiya İnstitutunun (SMIIC) müəyyən etdiyi meyarlar əsasında aparılır", - bildirib. 

Azərbaycan Qida Təhlükəsizliyi İnstitutunun təqdim etdiyi “HALAL” uyğunluq sertifikatları beynəlxalq səviyyədə tanınır və ixracatçılar üçün əlavə dəyər rolunu oynayır. Hal-hazırda institut daxilində Sertifikatlaşma, Qərəzsizlik və Şikayətlər üzrə komitələr fəaliyyət göstərir. Bu komitələrin tərkibinə Azərbaycan İlahiyyat İnstitutunun nümayəndələri, dini və qida üzrə müstəqil ekspertlər, eləcə də dövlət mütəxəssisləri daxildir.

Azərbaycan 2018-ci ildən başlayaraq qida təhlükəsizliyi sisteminin Avropa və beynəlxalq standartlara uyğunlaşdırılması istiqamətində ardıcıl islahatlar həyata keçirir. AQTA bu sahədə əsas tənzimləyici qurum kimi çıxış edir və ölkədə qida məhsullarının istehsalı, idxalı, dövriyyəsi və ixracı ilə bağlı nəzarət funksiyalarını icra edir.

Gülnar Nazimqızı

Oxşar xəbərlər
Oxşar xəbərlər

Yelo Bank-dan qadın sahibkarlara dəstək: yeni mikro kredit məhsulu
İqtisadiyyat 16:40
Yelo Bank-dan qadın sahibkarlara dəstək: yeni mikro kredit məhsulu
Qızılın qiyməti 2027-ci ilə kimi artmaqda davam edəcək
İqtisadiyyat 14:40
Qızılın qiyməti 2027-ci ilə kimi artmaqda davam edəcək
Qazaxıstan: Türk dövlətləri vahid brend yaratmaq istiqamətində işləyir
İqtisadiyyat 11:10
Qazaxıstan: Türk dövlətləri vahid brend yaratmaq istiqamətində işləyir
Kobia rəhbəri: Françayzinq modeli yeni iş yerlərinin açılmasına təkan verəcək
İqtisadiyyat 10:45
Kobia rəhbəri: Françayzinq modeli yeni iş yerlərinin açılmasına təkan verəcək
Qızılın qiyməti ucuzlaşıb
İqtisadiyyat 09:51
Qızılın qiyməti ucuzlaşıb
ABŞ Serbiyadan NIS-dəki “Qazprom” payını alacağını gözləyir — Bloomberg
İqtisadiyyat 09:49
ABŞ Serbiyadan NIS-dəki “Qazprom” payını alacağını gözləyir — Bloomberg

Azərbaycan neftinin qiyməti 66 dolları ötüb
İqtisadiyyat 09:20
Azərbaycan neftinin qiyməti 66 dolları ötüb

Bu günün valyuta məzənnələri açıqlanıb
İqtisadiyyat 09:18
Bu günün valyuta məzənnələri açıqlanıb
İdxal olunan kərə yağının həcmi azalıb
İqtisadiyyat 16:41
İdxal olunan kərə yağının həcmi azalıb
Anews TV

Rəsmi Youtube kanalımız

Abunə ol