Rusiya qazı Ermənistana Azərbaycan vasitəsilə çatdırılacaq - KİV

Rusiya istehsalı maye qazın Ermənistana dəmir yolu vasitəsilə Azərbaycandan keçirilməsi məsələsi müzakirə olunur. Bunu Ermənistan iqtisadiyyat nazirliyinin mətbuat katibi Lilit Şaboyan bildirib.

“Biz qazı əsasən iki ölkədən – İran və Rusiyadan idxal edirik. İranda bəzi problemlər yaranıb, məlum səbəblərdən, Rusiyada isə problem Verxniy Larsla bağlıdır. Amma bu məsələ çox tezliklə həll olunacaq, çünki Ermənistana maye qazın idxalı dəmir yolu ilə başlayacaq. Rusiya maye qazı çox yaxın vaxtlarda Azərbaycan ərazisindən Ermənistana çatdırılacaq. Hazırda Rusiyadan Ermənistana maye qazın dəmir yolu ilə idxalı variantı müzakirə olunur,” – Şaboyan bildirib.

O, sorğuya cavab olaraq konkret tarix göstərməyib, yalnız “tezliklə” ifadəsini işlədib. 

Aytac