Əli Məsimli: Turizm və aqrar sahədə ictimai dinləmələrə ehtiyac var

Milli Məclisin deputatı Əli Məsimli turizmin inkişafı və kənd təsərrüfatı sahəsində problemlərin müzakirəsi üçün ictimai dinləmələrin keçirilməsini təklif edib. Bu barədə deputat İqtisadi siyasət, sənaye və sahibkarlıq komitəsinin iclasında deyib. 

Deputat bildirib ki, aqrar sahədə bir sıra məhsulların qiymət artımı iqlim dəyişiklikləri ilə bağlıdır. Xüsusilə quraqlıq fermerlərin gəlirlərinə ciddi təsir göstərir. “

Aqrar sığorta fondu bu sahədə müəyyən dəstək göstərir, lakin quraqlığın geniş miqyası fondun maliyyə imkanlarını üstələyir,” —  o vurğulayıb.

Əli Məsimli həmçinin quraqlığın təbii fəlakətlər siyahısına daxil edilməsi üçün layihənin hazırlandığını qeyd edib və bunun üzərində işlərin aparılmasının vacib olduğunu bildirib. 

Gülnar Nazimqızı