Emin Əmrullayev “TikTok” şirkətinin nümayəndələri ilə görüşüb
19.11.2024 18:07
Noyabrın 19-da elm və təhsil naziri Emin Əmrullayev "TikTok” şirkətinin nümayəndə heyətini qəbul edib.Bu barədə Elm və Təhsil Nazirliyindən xəbər verilib.
Görüş zamanı "TikTok” şirkəti ilə elm və təhsil sahəsində birgə əməkdaşlığın qurulması müzakirə edilib, geniş cəmiyyət üçün maarifləndirici təşəbbüslər və layihələr barədə fikir mübadiləsi aparılıb.
Həmçinin təhsilverənlərə öz təhsil məzmununu tanıtmağa imkan verən yeni təşəbbüslərin həyata keçirilməsi istiqamətində təkliflər müzakirə edilib.
Bununla yanaşı, müxtəlif ölkələrdə müəllimlər tərəfindən aparılan təhsil kanallarının nümunələri təqdim edilib və platformanın imkanlarının təhsil məzmununun yaxşılaşmasına verdiyi töhfələr müzakirə edilib.
www.anews.az
Foto 
Video 
