Rusiyada “qanuni oğru” ilə bağlı bu günə qədər görünməmiş məhkəmə hökmü verilib.AzNews.az-ın məlumatına görə, Rusiyanın paytaxtı Moskvanın Domodedovski rayon Məhkəməsində narkotik vasitələrin saxlanmasında ittiham olunan “qanuni oğru” Artyom Saratovskinin məhkəmə prosesi keçirilib. Məhkəmə A. Saratovski barəsində şərti olaraq 1 il azadlıqdan məhrum etmə qərarı çıxarıb.

Məlumatda o da qeyd olunub ki, bu erməni əsilli “qanuni oğru” Artyom Sarkisyanın ikinci məhkumluğudur. Məsələnin maraqlı tərəfi isə budur ki, “qanuni oğru” olduğu bəlli olan Artyom Sarksyan Rusiya vətəndaşı olmadığı halda hər iki məhkumluğu zamanı məhkəmənin şərti qərarı ilə rastlaşıb. Daha doğrusu Rusiya məhkəmələri bu erməni kriminal barəsində şərti cəza təyin edib. Digər “qanuni oğru”ların heç birinə isə belə güzəşt şamil edilməyib.

Məhkəmə istintaqı zamanı A. Saratovski narkotik aludəçisi olduğunu da etiraf edib.Xatırladaq ki, A. Sarkisyan ilk məhkumluğunu 2005-ci ildə Saratovada çəkib. Artyom 2 il təyin olunmuş cəzanın yarım ilini çəkdikdən sonra şərti azadlığa buraxılıb.ANN.Az