Fransada ermənilər tərəfindən döyülən azərbaycanlılar məhkəmə hakiminin təyin olunmasını gözləyirlər."Paris Azərbaycan Evi”nin rəhbəri Mirvari Fətəliyevanın ANS PRESS-ə verdiyi məlumata görə, bir aydan artıqdır ki, mülki məhkəməyə şikayət edilib. Onun sözlərinə görə, gələn həftə ərzində məhkəmə işi üzrə hakim təyin ediləcək.Fransa Milli Assambleyasının binasında erməni diasporunun üzvləri tərəfindən döyülən "Paris Azərbaycan Evi”nin rəhbəri Mirvari Fətəliyeva və azərbaycanlı tələbə Vüsal Hüseynovu məhkəmədə iki vəkil müdafiə edəcək. Mirvari Fətəliyevanın qeyd etdiyinə görə, məhkəmə prossesini onların vəkilləri addımbaddım izləyəcək. Hər ikisi fransız olan vəkillər məhkəmə prossesi zamanı istədikləri məlumatı hakimdən ala biləcəklər: "İstintaqdan fərqli olaraq bizim vəkillər bütün məhkəmə prosseslərinin gedişatını izləyə biləcəklər".Mirvari Fətəliyeva bildirib ki, vəkillərin təyin edilməsində Azərbaycanın Fransadakı Səfirliyinin onlara böyük köməkliyi olub. O, həmçinin Diaspora Üzrə Dövlət Komitəsinində bu işdə onlara yardım etdiyini söyləyib.Xatırladaq ki, bu il fevralın 26-da "Paris Azərbaycan Evi”nin rəhbəri Mirvari Fətəliyeva və tələbə Vüsal Hüseynovun Fransa parlamentinin binasında erməni diasporunun nümayəndələri tərəfindən vəhşicəsinə döyülməsi ilə bağlı iş əvvəlcə Fransa Jandarmeriyasına, daha sonra Paris prokurorluğuna verilib. Azərbaycan Respublikasının Baş prokuroru hadisə ilə bağlı Fransa Ali Məhkəməsi yanında Baş prokurora və Paris Apellyasiya Məhkəməsi yanında Baş prokurora müraciət edib. Ancaq bu müraciətlərə baxmayaraq, məsələ həllini tapmayıb.ANN.AZ