Ermənistan KTMT-nın iclaslarından niyə imtina etdiyini açıqlayıb

 

"2020-ci il Azərbaycanla aramızda baş verən münaqişədən sonra KTMT bizə dəstəyini göstərmədiyi üçün Ermənistan KTMT-nin iclaslarında iştirakını dayandırıb. 2020-ci ildən sonra təşkilata bir də müraciət etdik. Lakin heç bir reaksiya almadıq. O vaxtdan çoxlu suallarımız qalıb. Hələ də cavab almamışıq. Bizim  Kollektiv Təhlükəsizlik Şurasının sessiyasında iştirak etməməyimiz də bu səbəbdəndir”, - Qriqoryan bildirib. 

 

Kollektiv Təhlükəsizlik Müqaviləsi Təşkilatının  "Sarsılmaz Qardaşlıq” adlı təlimləri artıq bir dəfə  2015-ci ildə Ermənistanda keçirilib. Həmin təlimlərdə  Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.


2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib. 


KTMT 1994-cü ildə qüvvəyə minib. O zaman təşkilat 9 ölkədən ibarət olub.  Daha sonra  Azərbaycan, Gürcüstan və Özbəkistan bu təşkilatı tərk edib.
 
Gülnar