Bildirilib ki, Parlamentlərarası İttifaq bu məsələni artıq Azərbacan hakimiyyəti ilə müzakirəə edib və aldığı reaksiyadan məmun qalıb. 

 

Rəsmi Bakının bu məsələ ilə bağlı hər hansı mövqeyi açıqlanmayıb. 

Martin Çunqonq qeyd edib ki, İttifaq regionda baş verən son hadisələrdən xəbərdardır və bütün dünyada sülh və təhlükəsizliyi təşviq etmək üçün yaradılmış bir təşkilat kimi qeyri-sabitliyə gətirib çıxara biləcək problemlərin həllinə dialoqun necə kömək edə biləcəyi ilə bağlı tərəflərlə müzakirələr aparmağı zəruri hesab edir. 

 

Milli Məclisin deputatı Fazil Mustafa hesab edir ki, bu görüş Azərbaycan və Ermənistan  arasında sülhün əldə edilməsinə kömək edə bilər. 

 

"Müharibə vəziyyyətində olan dövlətlərin buzları sındırmalarına ehtiyac var. Buna görə də bu görüşlər əhəmiyyətlidir. Hesab edirəm ki, bu görüşlər ən azından mövqelərin dinlənilməsi və real vəziyyətin müzakirəsi baxımından faydalıdır. Bu Ermənistan üçün də Azərbaycan üçün də lazımdır. Azərbaycanın bu məsələdə mövqeyi şəffaf və aydındır. Azərbaycan birmənalı şəkildə bölgənin sülh içində inkişafına maraqlıdır. Ermənistan isə əvvəlki siyasətindən imtina etmənin müəyyən siqnallarını verir. Əgər bu frekanslar üst-üstə düşsə, razılığa gəlmək mümkün olacaq. Kiminsə dövriyyəyə soxulması, kiminsə himayəsi altında hər hansı bir qeyri-müəyyənliyə ümid bəsləməsi Ermənistan üçün ağır nəticələr törədə bilər. Bunu onlar özləri də anlamalıdırlar və belə bir vəziyyətdə bizim də marağımız odur ki, real platformadan çıxış edərək Azərbaycanın təkliflərini, təşəbbüslərini bir daha təhlil edib reallaşmasına onlar da kömək etsinlər. Birlikdə bu çıxmazdan bölgəni xilas edə bilək” ,- o bildirib.

 

Politoloq Tural İsmayılovun fikrincə Azərbaycan və Ermənistan  arasında belə bir görüşün keçirilməsi müsbət addım hesab edilməlidir. 

"Bu görüşdən gözləntilər böyükdür, çünki bir neçə gün əvvəl də Azərbaycanla Ermənistan arasında delimitasiya komitlərinin görüşləri keçirilib. İndi bu görüşə qədər belə bir görüşün keçirilməsi hesab edirəm ki, qanunvericilik hakimiyyətlərinin nümayəndələri arasında əlaqələrin daimi və sıx olmağına özündə etifa edir. Bu görüşə qədər delimitasiya komissiyalarının iclasının keçirilməsi özü də müsbət bir addım hesab edilməlidir. Bunun ardınca belə bir kontekstə görüşün həyata keçirilməsi sülh möqaviləsi ilə bağlı müzakirələrin davam etdiyini göstərir və Azərbaycan və Ermənistan arasında təkcə diplomatlar səviyyəsində deyil, həm də qanunverici hakmiyyət orqanlarının rəhbərləri səviyyəsində təmasların daimi olmağını özlüyündə ehtiva edir. Həm də parlament spikerlərinin görüşlərinin ilk dəfə belə qeyri-rəsmi formatda keçirilməsi müsbət bir ənənənin də başlanğıcı olacaq.Hesab edirəm ki bu tip görüşlər bundan sonra da davam edəcək”, - o bildirib.

Parlamentlərarası İttifaqın növbəti assambleyası çərçivəsində (martın 23-dən 27-dək) ​​Ermənistan və Azərbaycan parlamentləri spikerlərinin görüşünün keçirilməsi planlaşdırılır. Bunun qeyri-rəsmi olacağı gözlənilir.

Yanvarın son günlərində Çunqonq Ermənistanda olub, orada baş nazir Nikol Paşinyan, Milli Assambleyanın sədri Alen Simonyan və digər rəsmi şəxslərlə görüşüb.

 

Gülnar Nazimqızı 

Çiçək Sadatova