Ermənistanda azərbaycanlı əsgərə qarşı cinayət işi açılıb
29.02.2024 10:53
Laçın rayonu ərazisində əlverişsiz hava şəraitində istiqaməti itirərək azan, hərbiçi barəsində həbs qətimkan tədbiri seçilib. Bu barədə Ermənistan KİV-də məlumat yayılıb.
Azərbaycan ordusunun əsgəri Pənahov Ruslan Ermənistan Milli Təhlükəsizlik Xidməti (MTX) tərəfindən saxlanılaraq, ona qarşı cinayət işi açılıb.
News.am Ermənistan İstintaq Komitəsinə istinadla yazır ki, o, təxribata cəhd, başqalarının həyatı üçün təhlükəli üsulla adam öldürməyə cəhd, o cümlədən milli, dini nifrət, dözümsüzlük və düşmənçilik zəminində adam öldürməyə cəhd, qanunsuz olaraq odlu silah və döyüş sursatı gəzdirmə və daşıma, qaçaqmalçılıq yolu ilə odlu silah və döyüş sursatı keçirmə, qanunsuz yolla Ermənistan Respublikasının dövlət sərhədini pozmaqda ittiham olunur.
Azərbaycan Müdafiə Nazirliyinin yaydığı məlumata görə, fevralın 28-i səhər saatlarında Azərbaycan Ordusunun əsgəri Pənahov Ruslan Eldəniz oğlu Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb.
Ruslan Pənahov 2005-ci il mayın 9-da anadan olub. Ötən il iyulun 8-də hərbi xidmətə çağırılıb
Aytac Zeynalova
www.anews.az
Foto 
Video 
