KİV: Tramp hər gün İrana zərbələrə dair videolara baxır

ABŞ hərbçiləri hər gün ölkə Prezidenti Donald Tramp üçün əvvəlki 48 saat ərzində İranda hədəflərə endirilən ən uğurlu zərbələrin videoçarxını hazırlayırlar.

Bu barədə "NBC News" telekanalı mənbələrə istinadən xəbər verir.

Mənbələrin məlumatına görə, gündəlik videoçarx adətən təxminən iki dəqiqə davam edir. Videoçarxdan əlavə, D.Tramp hərbi müşavirlər, xarici liderlərlə söhbətlər və xəbər reportajları sayəsində də məlumatlar alır.

Lakin məhz videoçarxlar prezidentin müttəfiqlərinin bir qismində dörd həftədir davam edən müharibənin tam mənzərəsini əldə edə bilməyəcəyi və ya qavramayacağına dair narahatlıq yaradır.