Ərzaq məhsullarının süni artımı ilə bağlı tapşırıq verilib - Rəsmi

12:14 | 16.10.2023
Ərzaq məhsullarının süni artımı ilə bağlı tapşırıq verilib - Rəsmi

Ərzaq məhsullarının süni artımı ilə bağlı tapşırıq verilib - Rəsmi

Nazirlər Kabinetinin "İnflyasiya və Qiymət Monitorinqi” üzrə İşçi Qrupu bazarda ərzaq məhsullarının qiymətinin əsassız artımı ilə bağlı aiddiyatı qurumlara tapşırıq verilib. Bu barədə qurumun keçirildiyi növbəti iclasda qərar verilib. 
 

"Antiinhisar və İstehlak Bazarına Nəzarət Dövlət Xidməti öz mandatı çərçivəsində ərzaq məhsulları bazarında qiymətlərə təsir gücünə malik olan və hökmran mövqeyindən sui-istifadə edərək qiymət artımlarına səbəb olan hərəkətlərə (və ya hərəkətsizliyə) yol verən təsərrüfat subyektlərinə qarşı qanunamüvafiq tədbirlərin görülməsi ilə bağlı fəaliyyətini genişləndirəcək. Əsassız qiymət dəyişikliyinin qarşısının alınması və bazarda rəqabətin təmin olunması məqsədilə Dövlət Xidməti tərəfindən 2023-cü ilin II rübündən etibarən iri və xırdabuynuzlu heyvan əti bazarı və ümumilikdə kənd təsərrüfatı sektorunda müxtəlif təchizat zəncirləri üzrə qiymət artımı səbəblərinin bazarın rəqabət vəziyyəti ilə əlaqəli olub-olmamasının araşdırılması məqsədilə geniş təhlil və araşdırmalara başlanılıb", - məəlumatda qeyd olunub. 

İnflyasiya və Qiymət Monitorinqi” üzrə İşçi Qrupu ilin sonuna orta illik infyasiyanın 9,5% olacağı proqnozlaşdırıb. 
 

Oktyabrın 10-da Mərkəzi Bankın sədri Taleh Kazımov mətbuata açıqlamasında bildirib ki, Azərbaycanda illik inflyasiya 6% civarında proqnozlaşdırılır.
 
Bir necə gün öncə Dünya Bankının açıqlamasına görə Azərbaycanda cari il üçün inflyasiya göstəricisi 8,5 % gözlənilir. Bu rəqəmin 2024-cü il 6,2% olacağı proqnoz edilib. 
 
2022-ci ildə Azərbaycanda orta illik inflyasiya 13,9% təşkil edib.
 
İqtisadiyyat Nazirliyinin yenilənmiş hesablamalarına əsasən, 2023-cü il üçün inflyasiya 10,4% səviyyəsində proqnozlaşdırılır.
 
Gülnar Nazimqızı 


www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb