Azərbaycan şahmatının "Şah”ı beynəlxalq yarışlara öz hesabına getdiyini deyib.

Məsələ ilə bağlı Azərbaycan Şahmat Federasiyasının vitse-prezidenti Mahir Məmmədov ilə əlaqə saxladıq. 

Unikal.org-a danışan federasiya rəsmisi heç bir yarışa öz hesabına getmədiyini diqqətə çatdırıb:

"Şəhriyar Məmmədyarov dünyada tanınan və yaxşı şahmatçı, görkəmli şəxsiyyətdir. Bundan əlavə onun öz fikrini söyləməyə tam hüququ var.

O, hazırda çox ağır bir turnirdə oynayır. Bu ağır turnir yəqin ki, onun əhval-ruhiyyəsinə öz təsirini göstərir. Ş.Məmmədyarov heç bir turnirə öz hesabına getmir. Şəhriyar Məmmədyarov səviyyəli şahmatçılar artıq çoxdandır heç bir turnirə öz hesabına getmir. Ş.Məmmədyarov öz yüksək statusuna görə bütün turnirlərə şəxsi dəvət alır.

Əgər onun qatıldığı turnir yığma komandaya aiddirsə dövlət tərəfindən və ya federasiya tərəfindən maliyələşir.

Kubun qatıldığı yarışdırsa həmin klub tərəfindən maliyələşir. Əgər super turnirdirsə öz şəxsi statusuna müvafiq olaraq turnir təşkilatçıları tərəfindən malityələşdirilir. Həm yol, həm də qalmaq pulu ödənilir.

Ola bilsin Şəhriyar Məmmədyarov onunla gedən şəxsi məşqçisinə öz pulundan xərcləsin.

Mən də istəyərdim onun şəxsi sponsoru olsun. Hazırda onun bir sponsoru var - Azərbaycan dövləti....

Ş.Məmmədyarov öz yüksək statusuna görə bundan da yüksəklərə layiqdir. Azərbaycan tarixində bu cür şahmatçı olmayıb. Yaxın gələcəkdə də olacağını görmürəm.

Bizim ümidimiz var idi ki, Treymur Rəcəbov öz yüksək statusunu saxlayacaq. Əfsuslar olsun ki, onun nəticələri istədiyimiz qədər yüksək deyil.

Ş.Məmmədyarov hər cür dəstəyə, sponsora layiq adamdır. Ona dövlət tərəfindən, federasiyamızın prezidenti tərəfindən dəstək ayrılır.

Ş.Məmmədyarov və ailəsi dövlət tərəfindən də mükafatlandırılıb, mənzillə mükafatlandırılıb.