Fələstində Həmas ilə Fəth partiyası arasında tarixi barışıq elan olunub. Siyasi rəqiblər 7 il aradan sonra birləşmək və koalisiya hökuməti yaratmaq qərarına gəliblər. Barışıq Qəzzə şəhərində baş tutub. Həmasın baş naziri İsmayıl Haniyə Fəth partiyası rəsmiləri ilə birgə mətbuat konfransında çıxışı zamanı 5 həftə ərzində birlik hökumətinin formalaşdırılacağını qeyd edib."Fələstin lideri Mahmud Abbas birlik hökuməti ilə bağlı tezliklə müzakirələrə başlayacaq. Fələstində uzun illərdir ki, davam edən bölgünün aradan qalxması, tərəflər arasında barışığın olması yaxşı bir addımdır". İsrailin baş naziri Benyamin Netanyahu tərəflər arasında əldə olunan razılığa münasibət bildirib. Netanyahu qeyd edib ki, Mahmud Abbasın Həmasla sülh bağlaması, İsrail ilə bu ölkə arasında sülh razılaşmasını poza bilər."Hər dəfə biz Fələstinlə sülh danışıqları başladanda Mahmud Abbas İsrailin qəbul edə bilməyəcəyi əlavə şərtlər irəli sürür. İndi isə İsrail ilə sülhə nail olmaq əvəzinə Həmasla sülh yaratmağa çalışır. Onun konkrekt məqsədi nədir. İsrail ilə yoxsa, Həmasla sülh? Siz ikisindən birini seçməlisniz". Həmasla Fəth arasında rəsmi barışıq sazişi 2011-ci ilin may ayında bağlansa da, tərəflər sazişin şərtlərini icra etmirdilər.İsrail, Misir, İordaniya və Qərb ölkələri Həması terror təşkilatı kimi dəyərləndirdiyi halda, Rusiya, Türkiyə və Çin kimi ölkələr bu fikir ilə razılaşmır.//Anspress