“Forbes” jurnalının jurnalistini altı il həbs cəzası gözləyir

 "Forbes” jurnalının jurnalisti Mingazov Rusiya Silahlı Qüvvələri haqqında saxta məlumatlara görə 6 il həbs oluna bilər. Bu barədə "Kommersant” qəzeti yazır.

İttiham tərəfi Rusiya Silahlı Qüvvələri haqqında yalan məlumat yaymaqda ittiham olunan "Forbes” jurnalının jurnalisti Sergey Mingazovun 6 il müddətinə azadlıqdan məhrum edilməsini istəyib . 
Nəşrin məlumatına görə, müvafiq iş üzrə məhkəmə iclası Xabarovskda baş  tutub. Tərəflər məsələni müzakirə ediblər.

"Təqsirləndirilən şəxs günahını qismən etiraf edib. O, peşman olduğunu bildirib və azadlıqdan məhrumetmə cəzasından başqa cəza istəyib”, – məqalədə deyilir.

Mətndən belə çıxır ki, Mingazov fevralın 25-də keçiriləcək iclasda yekun bəyanatla çıxış etməlidir.

Jurnalist 2024-cü il aprelin 26-da saxlanılıb. Həmin şəxsə qarşı Rusiya qoşunları haqqında saxta məlumatlar dərc etməkdə ittiham edilərək cinayət işi açılıb. Mingəzovun vəkilinin izah etdiyi kimi, buna səbəb Kiyev vilayətinin Buça şəhərində baş verən hadisələrlə bağlı səs yazısının repostu olub.

Ertəsi gün Forbes əməkdaşı ev dustaqlığına buraxılıb . Müvafiq qərarı Xabarovskın Krasnoflotski Rayon Məhkəməsi çıxarıb.


Gülnar

www.anews.az