Gürcüstan DİN: “Qırmızı körpü”də sərnişinlər intensiv müayinə olunurlar
27.02.2020 22:30
Gürcüstanın Azərbaycanla sərhəddə yerləşən "Qırmızı körpü” sərhəd-keçid məntəqəsində sərnişinlərin intensiv tibbi müayinəsi həyata keçirilir.
Anews.az "Report”-a istinadən xəbər verir ki, bu barədə Gürcüstanın Daxili İşlər Nazirliyinin (DİN) yaydığı məlumatda bildirilib.
Qeyd olunub ki, məntəqədə tibbi heyət daimi olaraq növbə çəkir.
Qonşu ölkənin digər sərhəd-keçid məntəqələri və Tbilisi, Kutaisi və Batumi hava limanlarında da tibbi müayinə gücləndirilib.
Məntəqələrdə sərnişinin sağlamlıq durumu ilkin qiymətləndirilir və müvafiq yoxlamalar aparılır.
Ölkəyə daxil olanların səfər tarixçələrinə də xüsusi diqqət yetirilir. Zərurət yarandığı halda, tibbi briqada çağırılır və müvafiq prosedurlar həyata keçirilir.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
