Ermənistan mətbuatının məlumatına görə, ölkənin baş naziri Nikol Paşinyan oktyabrın 18-də Strasburqda Avropa Parlamentinin (AP) plenar iclasında çıxış edəcəyi açıqlanıb.
Beynəlxalq məsələlər üzrə ekspert Əziz Əlibəyli bildirir ki, Avropa parlamenti birmənalı şəkildə Azərbaycan əleyhinə formalaşıb. Ekspert hesab edir ki, Avropa siyasi müstəvisində Azərbaycan məsələsi artıq parçalanıb.
"Azərbaycana qarşı ayın 12-də baş tutacaq dinləmələrin rolu sanksiyalara çağırış, sanksiyalarını qəbul edilməsinə yönəlik niyyətin açıqlanması və yaxud buna yönəlik hər hansı bir sənədin qəbulu üzərində gedəcək. Avropa parlamentinin daxil olduğu dövlətlər içərisində biz bir neçə strateji müttəfiqlərə sahibik. İtaliya, Balkan ölkələri, hətta Yunanıstanın adını çəkə bilərik ki, Azərbaycan qazının üzərindən müəyyən proyektləri var. Yeganə yol Azərbaycandır. Bunu da Ermənistanın maraqları üzərindən vurmaq olmaz. Aldıqları qrantların və rüşvətlər vermək məcburiyyəti var. Bu baxımdan da Azərbaycana qarşı müəyyən tövsiyə edici sənədlərin qəbul olunması mümkündür", o söyləyib.
Ekspert vurğulayır Avropa Parlamentində Azərbaycan məsələsi artıq fərqli cəbhələrdə müzakirə edilir.
Oktyabrın 6-da Milli Məclisin plenar iclasında deputatlar Avropa Parlamentinin Azərbaycana qarşı qəbul etdiyi qətnaməni tənqid edərək qətnaməyə qarşı bəyanat qəbul ediblər.
Parlamentin 13-dən çox deputatı Avropa sənədini tənqid edərək onun heç bir hüquqi əsası olmadığını açıqlayıb.
Oktyabrın 5-də Avropa Parlamentinin üzvləri Qarabağdakı vəziyyətlə əlaqədar Avropa İttifaqını Azərbaycana qarşı sanksiyalar tətbiq etməyə çağıran qətnamə qəbul ediblər.
Sənəddə qeyd olunur ki, Qarabağda "çoxsaylı atəşkəs pozuntularına və insan hüquqlarının pozulmasına görə məsuliyyət daşıyan” Azərbaycan hökumətindəki şəxslərə qarşı sanksiyalar tətbiq etməyə çağırır.
Sənəddə qeyd olunur ki, Qarabağda "çoxsaylı atəşkəs pozuntularına və insan hüquqlarının pozulmasına görə məsuliyyət daşıyan” Azərbaycan hökumətindəki şəxslərə qarşı sanksiyalar tətbiq etməyə çağırır.
Aytac Zeynalova
Bizi sosial şəbəkələrdə izləyin !
