Hacıbala Abutalıbovun “kişi söhbəti”nə YAP-dan reaksiya gəldi – VİDEO

16:18 | 19.02.2014
Hacıbala Abutalıbovun “kişi söhbəti”nə YAP-dan reaksiya gəldi – VİDEO

Hacıbala Abutalıbovun “kişi söhbəti”nə YAP-dan reaksiya gəldi – VİDEO

“Həmin adamların yazılarının altında bir dənə şərh və təhlil olmur”.
Bakı Şəhər İcra Hakimiyyətinin başçısı Hacıbala Abutalıbovun “Azərbaycanda bir kişi var, o da cənab prezidentdir” fikri ilə bağlı ötən gündən başlayaraq, yaranan polemikalara Yeni Azərbaycan Partiyasından reaksiya gəlib.
ANN.Az AzNews.az-a istinadən xəbər verir ki, hakim partiyanın icra katibinin müavini, deputat Siyavuş Novruzov açıqlamasında bildirib ki, iqtidar nümayəndələrinin səsləndirdiyi fikirləri pis yerə yozmaq, müxalifətin köhnə adətidir:
“Bunu niyə başqa istiqamətə yönəldirlər? Bu gün Azərbaycan adından danışmaq, ölkəni təmsil etmək hüququnu xalqımız prezident İlham Əliyevə həvalə edib. Hacıbala müəllim səsləndirdiyi fikirdə bunu demək istəyir. Hər bir fikri başqa istiqamətə yönəltmək, onsuz da müxalifətin peşəsidir”.
S.Novruzov müxalifət partiyalarının nümayəndələrinin sosial şəbəkələrdəki fəaliyyətini də tənqid edib:
“Onlar başqa ad altında sosial şəbəkələrə daxil olaraq söyüş, təhqir və digər ifadələr işlətməkdən həzz alırlar. Müxalifətçilərin bu əməli haqda onların öz yoldaşları bizə məlumat veriblər. Onlar sosial şəbəkələrdə olan cəmiyyətin digər üzvlərinin əhval-ruhiyyəsini korlayırlar. Həmin adamların yazılarının altında bir dənə şərh və təhlil olmur. Onlar öz rəhbərlərindən çirkin ifadələr öyrənən gənclərdir”.
ANN.Az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb