Azərbaycanda rusdilli məktəblərin bağlanacağı iddiası var

Azərbaycanda rusdilli məktəblərin bağlanacağı və Azərbaycan dilində tədrisə mərhələli keçid ediləcəyi barədə məlumatlar sosial şəbəkə və valideynlərin WhatsApp qruplarında yayılıb. Bu barədə oxu.az məlumat yayıb. 

Qruplarda bildirişlərdə yaxın üç ildə rusdilli məktəblərin Azərbaycan dilində tədrisə keçiriləcəyi, müəllimlərin yenidən ixtisasartırma kurslarına cəlb olunacağı qeyd edilib.

Bu addımın məqsədi ölkədə Azərbaycan dilinin tədris vasitəsi kimi mövqeyini gücləndirmək və bütün vətəndaşların vahid təhsil mühitinə inteqrasiya olunmasını artırmaq görüntüsü verilir.

Məsələ ilə bağlı Elm və Təhsil Nazirliyinə sorğu ünvanlanıb; nazirlikdən hələlik rəsmi şərh verilməyib.