Qarışıq döyüş növünün azarkeşi kimi məşhur olan amerikalı məşhur reper Kertis Cekson (50 Cent ) rusiyalı idmançı Həbib Nurməhəmmədovun UFC-dən başqa döyüş liqasına - "Bellator”a keçidini müzakirə etmək üçün Dağıstana gələcək.
Publika.az RBK agentliyinə istinadən xəbər verir ki, bu haqda Ceksonun özü bildirib.
Qeyd edək ki, reper rusiyalı idmançıya UFC-dən "Bellator”a keçməyi təklif edib. Bunun müqabilində rusiyalı idmançıya 2 milyon dollar ödəməyə hazır olduğunu bildirib. Nurməhəmmədov cavabında görüş yerini təyin etməyi xahiş edib.
Xatırladaq ki, Həbib Nurməhəmmədov Amerikanın Las-Veqas şəhərində oktyabrın 7-də keçirilən UFC turniri üzrə yüngül çəkidə çempion titulu uğrunda döyüşdə irlandiyalı Konor Makqreqora qalib gəlib. Hakimlər 4-cü raundda rusiyalı döyüşçünün qələbəsini qeydə alıblar.
Nurməhəmmədov 4-cü raundda rəqibə qarşı boğucu fənd işlədib və bundan sonra irlandiyalı təslim olub.
www.anews.az
Bizi sosial şəbəkələrdə izləyin !
