• $ 1.7
  • € 2.0029
  • ₽ 0.021438
  • ₺ 0.0427
  • £ 2.325

Hər il 15 milyona yaxın uşaq vaxtından əvvəl doğulur

Hər il 15 milyona yaxın uşaq vaxtından əvvəl doğulur
17.11.2022 18:30
Dünyada hər il 15 milyona yaxın uşaq vaxtından əvvəl doğulur və hər il bir milyon vaxtından əvvəl doğulan uşaq tələf olur.
 
Bunu Səhiyyə Nazirliyinin mütəxəssis-eksperti, neanotoloq Rüstəm Hüseynov bildirib.
 
Neanotoloq qeyd edib ki, beş yaşadək uşaqlar arasında ölümün əsas səbəblərindən biri hesab olunur:
 
"Vaxtından əvvəl doğumlar müxtəlif ölkələrdə ümumi doğuşların 5-18%-ni təşkil edir. Maraqlı fakt odur ki, həm inkişaf etmiş, həm də inkişaf etməkdə olan ölkələrdə bu göstərici artmaqda davam edir. Vaxtından əvvəl doğulmuşların qulluq və müalicəsində əhəmiyyətli dərəcədə proqress əldə olunsa da, təəssüf ki, vaxtından əvvəl doğumların sayında azalma müşahidə olunmur.
 
Vaxtından əvvəl doğulmanın əsas səbəblərindən – çoxdöllü hamiləlik, uşaqlığın və uşaqlıq boynunun anatomik problemləri, anada olan infeksiyalar, arterial hipertenziya və preeklampsiya, şəkərli diabet, genetik faktorları qeyd etmək lazımdır. Hazırda bir çox səbəblər müvəffəqiyyətlə korreksiya olunur və bu da vaxtından əvvəl doğuşla bağlı riskləri azaldır".
 
Həkim vaxtından əvvəl doğulan körpələrdə müşahidə edilən əsas xüsusiyyətləri də açıqlayıb:
 
"Vaxtından əvvəl doğulan körpələrdə yuxu dövrü daha uzun olur. Əzələ tonusunun aşağı olması və anadangəlmə fizioloji reflekslərin zəif alınması müşahidə olunur. Dəri nazik, quru, qırışmış, bolca tüklə örtülür. Vaxtından əvvəl doğulan körpələrdə dərialtı piy təbəqəsi kifayət qədər inkişaf etmir, onlar termoləbildirlər, yəni daha çox hiper və hipotermiyadan əziyyət çəkirlər.

Kəllə sümükləri elastikdir, təkcə böyük deyil, həm də kiçik əmgək (fontanel) açıqdır. Qulaq seyvanları yumşaqdır-qığırdaq hələ tam formalaşmır, dırnaqlar barmaqların falanqlarının kənarına çatmır, göbək ciyəsi (kordonu) mərkəzdə deyil, bədənin ortasından aşağıda yerləşir. Göbək qalığı daha gec düşür, göbək yarası isə daha yavaş sağalır. Cinsiyyət orqanlarının tam inkişaf etməməsi əsas göstəricilərdən biridir. Fizioloji çəki itkisi də vaxtından əvvəl doğulmuş körpələrdə öz xüsusiyyətlərinə malikdir. Yalnız həyatın 2-3-cü həftəsində bərpa olunur və kütlənin bərpası vaxtı birbaşa uşağın yetkinliyindən asılıdır. Yəni, yalnız onun doğum tarixindən deyil, həm də körpənin ətraf mühit şəraitinə uyğunlaşma dərəcəsindən asılıdır", - nazirlik rəsmisi qeyd edib.

www.anews.az
Oxşar xəbərlər
Oxşar xəbərlər
Bakıda ağacı avtobusun üzərinə aşırdı - Video
Cəmiyyət 14:15
Bakıda ağacı avtobusun üzərinə aşırdı - Video
Qazaxda minik avtomobili aşıb, ölən var
Cəmiyyət 13:39
Qazaxda minik avtomobili aşıb, ölən var
Yağış yağacaq, yüksək dağlıq ərazilərə dolu düşəcək - Sabahın havası
Cəmiyyət 12:33
Yağış yağacaq, yüksək dağlıq ərazilərə dolu düşəcək - Sabahın havası
Laçında yük maşını dərəyə aşıb
Cəmiyyət 10:49
Laçında yük maşını dərəyə aşıb
Faktiki hava açıqlanıb
Cəmiyyət 10:32
Faktiki hava açıqlanıb
Kürdəmir sakinini qatar vuraraq öldürüb
Cəmiyyət 09:52
Kürdəmir sakinini qatar vuraraq öldürüb
Binəqədidə sexdə yanğın olub
Cəmiyyət 09:29
Binəqədidə sexdə yanğın olub
Binəqədidə sexdə yanğın olub
Cəmiyyət 09:29
Binəqədidə sexdə yanğın olub
Bu gün 41 mindən çox abituriyent qəbul imtahanı verəcək
Cəmiyyət 09:00
Bu gün 41 mindən çox abituriyent qəbul imtahanı verəcək
Anews TV

Rəsmi Youtube kanalımız

Abunə ol