Hərbi xidmətə gedəcəkdi, parkda öldürüldü

Türkiyənin Dənizli vilayətində iki qrup arasında silahlı qarşıdurma faciə ilə nəticələnib.
 
Hadisə Dənizlinin Selçukbey məhəlləsinin Kazım Arslan parkında baş verib.
 
Əvvəllər də aralarında münaqişə baş vermiş qruplar parkda üz-üzə gələrək, münasibətlərini aydınlaşdırmağa çalışıblar. Mübahisə silah səsləri ilə əvəzlənib. Bir nəfər ölüb, iki nəfər ağır yaralanıb. 
 
Öldürülən 23 yaşlı Hüseyn Niyaz adlı şəxs bir neçə gün sonra həqiqi hərbi xidmətə yollanacaqmış.
 
O, yaralı halda xəstəxanaya qaldırılsa da, həyatını xilas etmək mümkün olmayıb.
 
Polis hərəkətə keçib və hadisənin iştirakçılarından 3 nəfəri saxlayıb.

www.anews.az