Hicaba görə saxlanılan qızın ölməsi kütləvi etirazlara səbəb oldu - Video
19.09.2022 09:46
İranda hicabını düzgün geyinmədiyi üçün polis tərəfindən saxlanıldıqdan sonra dünyasını dəyişən 22 yaşlı Məhsə Əmininin dəfnindən sonra ölkənin qərbində etiraz aksiyası başlayıb.Bu barədə "The Guardian"agentliyi xəbər verir.
22 yaşlı qızın ölümünü İran rəsmiləri ürək problemləri ilə əlaqələndiriblər. Hadisə şahidlərinin sözlərinə görə isə qız əxlaq polisləri tərəfindən döyüldükdən sonra dünyasını dəyişib.
Polis aksiyanı dağıtmaq üçün gözyaşardıcı qazdan istifadə edib.
Məhsə Əmin ailəsi ilə birlikdə İranın qərbindəki Kürdüstan əyalətindən paytaxt Tehrana qohumlarını ziyarət etmək üçün səfər edərkən ölkənin qadın geyimi ilə bağlı qaydalarına əməl etmədiyi üçün həbs edilib.
Şahidlər Məhsə Əminin polis mikroavtobusunda döyüldüyünü bildiriblər. Həbs olunduqdan bir neçə saat sonra Məhsə Əminin ailəsinə onun xəstəxanaya aparıldığı barədə məlumat verilib.
Məhsə Əminin xəstəxana çarpayısında koma vəziyyətində başında sarğı və süni nəfəs borusu taxılmış fotoları sosial mediada yayılıb. Bundan sonra iranlı qadınlar mərhumla həmrəylik əlaməti olaraq baş örtülərini çıxarıb havaya atıblar.
İranda hicabı çıxarmaq cinayət əməlidir.
Aytac
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
